Sürücülərə ŞAD XƏBƏR! Avtomobillərə cərimə yazılmaması ilə bağlı tapşırıq verildi

Cəmiyyət
  •  
  •  
  •  
  •  
  •  
  •  
  • 1
  •  
  •  
  •  
  •  

Mayın 1-dən avtomobillərin arxa yan şüşələrinə jalüz pərdələrin vurulmasına icazə verilir.

İstixeber.com-un məlumatına görə, icazə avtomobillərdə yalnız standart pərdə və jalüzlərə şamil edilir. Qəbul edilmiş standartlar üzrə bu gündən etibarən minik avtomobillərinin arxa sağ-sol qapı şüşələrinə, yəni sükan arxasında əyləşmiş sürücünün kürəyindən arxada qalan şüşələrə (məsələn, avtomobillərin arxa qapılarının şüşələrinə) sənaye üsulu ilə hazırlanmış jalüzlər (pərdələr) çəkilməsinə icazə veriləcək. Qeyd edək ki, ötən il isə ölkədə avtomobilə plyonka vuran sürücülər cərimələnmədi. Bu il də avtomobillərin şüşələrində istifadə olunan plyonkaların istifadəsi yenidən gündəmə gəlib. Sosial şəbəkələrdə avtomobillərinə plyonka vuracaq sürücülərin cərimələnib, cərimələnməməsi ilə bağlı müzakirələr gedir. Daxili işlər Nazirliyinin Baş Dövlət Yol Polisi İdarəsi avtomobillərə plyonka vurulması ilə bağlı məsələyə münasibət bildirib. İdarənin İctimaiyyətlə əlaqələr şöbəsinin rəisi Kamran Əliyev Oxu.Az-a açıqlamasında bildirib ki, plyonkaların yan şüşələrə vurulmasına nə keçən il, nə də bu il heç bir icazə verilməyib: “Sadəcə jalüzlərin istifadəsinin mövsümi xarakter daşımaması ilə əlaqədar məsələ Milli Məclisdə baxılmaq ərəfəsində olduğuna görə sürücülər məsuliyyətə cəlb edilmir”. Əgər Milli Məclis şüşələrə dair tələblərlə bağlı qanunvericilikdə hər hansı dəyişiklik etməsə, o halda sürücülərə əvvəlcədən xəbərdarlıq ediləcək. Xəbərdarlığa məhəl qoymayanlar isə inzibati məsuliyyətə cəlb ediləcəklər. Bu icazə noyabrın 15-nə qədər qüvvədə olacaq. Qeyd edək ki, tələblər üzrə nəqliyyat vasitələrində bu göstəricilər nəzərə alınmazsa, sürücülər 150 manat məbləğində cərimənə bilər./oxu.az

İstixeber.com